Tokiko hedabideetan espezializatutako plataforma

2013 amaieran Tokikom plataforma zentrala publikatu genuen hainbat hilabetetako lanaren ostean. Plataforma zentral hortik tira eginez Tokikomeko bazkide diren herri komunikabideentzat webguneak garatu ditugu. Garapena Python lengoaian idatziriko Django software libre framework-a erabiliz egina dago.

Plataforma zentralaren gakoak

Tokiko euskarazko hedabide haundiena ere txikia da, beste hedabide askorekin alderatuz gero. Bakoitzak bere webgune propioa eta garapen propioa izatea, esfortzu eta inbertsio dezentekoa da. Zentzu horretan, garapen amankomun baten aldeko apustua egitea erabaki zen; informazio fluxua bermatuko zuen eta behar ahala funtzionalitateak gehitzen joateko modua emango zuen garapen bateratu bati eustea. Hori da Tokikom Plataforma Zentrala.

Garapen zentral hortarako moduluak definitu eta garatu ziren eta, geroztik, funtzionalitate eta moduluak gehitzen joan gara.

Bi hedabide gehiago

Urte berri honekin batera bi hedabide berriren webguneak publikatu ditugunez, atzera begiratu eta egindako lana zerrendatu nahi izan dugu:

• Goiena (Debagoiena)
• Uriola (Bilbo)
• Guaixe (Sakana)
• Anboto (Durangaldea)
• Karkara (Orio eta Aia)
• Baleike (Zumaia)
• Hiruka (Uribe Kosta)
• Maxixatzen (Azkoitia)
• Erran (Nafarroa Garaiko Mendialdea)
• Euskalerria irratia (Iruñerria)
• Plaentxia (Soraluze)
• Alea (Araba)

Eta aurki etorriko dira gehiago.