Kontsumitzaileak eta tokiko eragileak merkatu elektrikoan integratzea
"Kontsumitzaileak eta tokiko eragileak merkatu elektrikoan integratzea" -ri buruzko gure esperientziaren inguruan hitz egin zuen Eneko Astigarraga-k NATURKLIMA-k eta Gipuzkoako Foru Aldundiak antolatutako jardunaldian Eibarko Azitain industrialdeko (TEK Azitain) tokiko energia-komunitatearen esperientzia ezagutaraztea zen helburua. Gure egoitzaren ondoan dauden beste zazpi enpresarekin batera sortu dugu TEK industriala den komunitate hori: Acha Herramientas, Hanna Instruments, Eibargunea enpresagunea, Jose Maria Irazabal, Manufacturas Resort, Neurtek eta Kirolbet, DEBEGESA eskualdeko garapen agentziaren laguntzarekin.
Autokontsumoaren eta banatutako sorkuntza energetikoaren aldeko apustua da. Euskadin industria mailan aitzindariak izan gara, eta enpresa industrialen lehen TEK edo tokiko energia komunitatea izan ginen. Gaur egun, Gipuzkoan lau proiektu daude martxan (Eibar, Donostia, Usurbil eta Zumarraga), eta asmoa horrelako ekimenak lurralde osora zabaltzea da. Gure adibideak horretarako balio badu, ongi etorria.Eneko Astigarraga-k erabilitako aurkezpena hemen dago eskuragarri: "TEK Azitain - Gipuzkoa Lurraldean" eta Energia 2023 jardunaldian parte hartu zuten beste guztienak ere bai.
Ingurumen, ekonomia eta gizarte iraunkortasuna
- TEKeko kideek kontsumitzen duten energiaren % 100 berriztagarria izango da.
- Tokiko trantsizio energetikoan enpresek parte hartzea sustatzen da.
- Nazio Batuen 2030 Agendaren Garapen Jasangarriko Helburuekin lankidetzan jarduten da, industria-kokaleku inklusiboak, erresilienteak eta iraunkorrak lortzeko.
- Tokiko jarduera ekonomikoa sortzen ere laguntzen da, eguzki-instalazioa gauzatzeko eta mantentzeko lizitazioetan tokiko enpresak sartzen saiatu garelako.
Kontsumo kolektiboaren balio erantsia
Nabarmentzekoa da kontsumo kolektiboak norbanakoen kontsumoarekiko duen balio erantsia. Hau da, autokontsumo kolektiboaren bitartez autonomia eta eraginkortasun energetiko handiagoa lortzen da, hobeto egiten delako elkarrekin eta batuta, banaka eginda baino.
Ildo horretan, gutxienez maila teorikoan honako puntu hauek nabarmendu behar dira:
- Sortutako energiaren eraginkortasun eta aprobetxamendu handiagoa ematen da= > Isurketak murriztea.
- Elkartekideen kontsumo-kurbetan gertatzen diren aldaketen aurrean malgutasuna eta bazkide berriak integratzeko aukera handiago dago, ingurunean hazten jarraitzeko eta kide izatearen eta sustraitzearen sentsazioa sortzeko.
- Segurtasun kolektibo handiagoa energia-horniduran.
- Eskalaren ekonomiaren eta soberako energiaren salmentaren araberako instalazio-kostuen murrizketa.
- Estalkien aprobetxamendu kolektibo hobea.
- Instalazioak ikuspegi tekniko eta teknologikotik estandarizatzea (ekipo elektrikoen teknologia, ordezko pieza komunak, monitorizazio-sistema...).
- Energia berriztagarriak sisteman integratzea erraztea, eskaria kudeatuz.
Tokiko Energia Komunitatearen helburuak, gaur eta etorkizunari begira
TEK Azitain Tokiko Energia Komunitatearen proiektuan, gauzatzen ari diren 3 helburu nagusi ezarri ditugu:
- pixkanaka gure enpresen autonomia energetikoa handitzea
- garatzen dugun jarduera ekonomikoaren deskarbonizazioa hobetzea
- industrialdeko enpresen energia-lehiakortasuna handitzea.
Etorkizunari begira, helburu horietan AURRERA EGITEN jarraitzea da gure asmoa. Ildo horretan, aztertzen ari dira industrialdean bertan biltegiratze-sistema sartzea eta instalazio fotovoltaikoak handitzea, interesa duten enpresa berriak TEKen sar daitezen.
Gure erkidegoak enpresa eta/edo instalazio berriak har ditzake 2 kilometroko erradioan; beraz, helburua TEK ekimenari gero eta enpresa gehiago atxikitzea da.
Gainera, pozik geundeke gure enpresa-komunitate energetikoaren esperientzia baliogarria bada etorkizunean sor daitezkeen beste TEK industrial batzuentzat. Mota honetako komunitateak lurralde osora zabaltzea izango litzateke ideia. Zentzu horretan gure adibideak zerbaitetarako balio badu, gu pozik.
Jardunaldiko ponentzia guztiak hemen daude
