Internet turismo sustapenerako
2008/09/06
Azken hilabeteetan hainbat proiektu garatu ditugu turismoaren inguruan. Argitaratzen lehena Debabarreneko turismo bloga, Ongi Etorri izenekoa, izan zen. Blog honen bidez komunikazio gertuagoa izatea bilatzen dute herritar eta bisitariekin. Turismoa sustatzeko asmo berarekin Flysch-aren ibilbidearen webgunea garatu dugu orain gutxi.
Ongi Etorri, Debabarreneko turismo bloga, maiatzean argitaratu zen eta Debabarena Turismo kudeatzen duen talde beraren esku dago. Blog honen asmoa herritar eta bisitariengandik gertuago egotea da, komunikazio sakonagoa mantentzea. Horren adibide dira antolatutako argazki lehiaketa edota bisitariek beraien iritzia emateko aukera. Ongi Etorri bloga Bitakora produktuarekin garatua dago Debegesarentzat.
Gaurkoan aipatuko dugun beste proiektua Zumaia, Deba eta Mutrikuko Flysch-aren ibilbidearentzako egindako webgunea da. Hiru herri hauetan hainbat ekimen sortu dira euskal kostaldearen zati berezi hau ezagutzeko, itsasontziz zein oinez ibilbide gidatuak, geologoen azalpenak, etab. Flyscharen webgunea Korpoweb produktuarekin garatua dago.
