Internet eta hizkuntza aniztasuna, Unescoren mintegi bat Bilbon
Internet eta hizkuntza aniztasunaren sustapena; horixe da mintegiaren izena. UPV/EHUren Munduko Hizkuntza Ondarearen UNESCO Katedrak antolatua, Euskal Herriko eta atzerriko errealitateak ezagutuko ditugu, eta kanpoko kasu horien artean, Gales, Aragoi, Asturias, Zeelanda Berriko maorien kasua, Mexikoko hizkuntzak, Frisia...
CodeSyntax-eko Luistxo Fernandezek mahai inguruan parte hartuko du, Internet eta hizkuntza gutxituak. goiburupean. Asturias, Aragoi, Frisia eta Galesko kasuak ere entzungo dira mahainguru horretan. Luistxok ingelesez parte hartuko du (aldibereko itzulpena egongo da gaztelaniara).
Programa osoa hemen kontsulta daiteke. Facebook-eko ebentoa ere badago, bertan bazoazela adierazi eta lagunak gonbidatu nahi bazenitu. Hamaika Telebistako hamaika.bit programan mintegiaren inguruko minutu batzuk grabatu dituzte; hau da bideoa, mintegikoak (eta Luistxo Fernandez berbetan) 8. eta 18. minutuen artean da.
Gogoratu oinarrizkoak. Noiz: Maiatzak 17, arratsaldez, 15.30etatik 20.00ak arte. Non: EHUren Esperientzia Gelak, 4. gela, Banco de España kalea, 2, Bilbo.
