CodeSyntaxek 20 urte bete ditu

2000. urtean elkartu ziren CodeSyntaxeko hiru sortzaileak lehenengoz. Ez garaje batean, baina bai podologo baten kontsultan, eta Getarian izan zuen bere lehenengo helbide ofizial behin-behinekoa, baina Eibarko Barrenengua kalean aurreneko bulego benetakoa, Sillicon Valleyra bisitaldia egin ostean, jakina! ;)

Hogei (20!) urte igaro dira harrezkero, gaur hain zuzen ere, 2000ko martxoaren 27an sortu zelako enpresa ofizialki notaritzan.

Ibilbide honetan, hasierako 3 lagunak 17 bihurtu gara, eta azken 17 urteak Gorosta Valleyko bulegoan eman ditugu, gure bezeroei ahalik eta irtenbide egokiena eskainiz euren Interneteko proiektuetan.

Hogei urte hauetan bidaide izan zaituztegun guztioi, eskerrik asko!

Urteurren hau ezin izan dugu besarkada artean ospatu, baina tira, tele-kafetxo bat hartzeko tartea hartu dugu, behinik behin.

Zorionak guri, eskerrik asko zuei eta osasuna guztiontzat!