2023, ekitaldi eta lorpen garrantzitsuekin betetako urtearen laburpena. Eskerrik asko!

Amaitu berri den 2023. urtea CODESYNTAXentzat garrantzitsu izan diren mugarriak eta lorpen nabarmenen lekuko izan da. Urtearen hasieran, alde batetik, Kudeaketa Aurreratuaren "A" aitorpena estreinatu genuen, bikaintasunarekin eta berrikuntzarekin alderdi guztietan dugun etengabeko konpromisoaren testigantza, eta, bestetik, Hizkuntza-kudeaketaren Kalitatearen BIKAIN ziurtagiria.

Errekonozimendu hauek oso garrantzitsuak izan dira guretzat, eta, beraz, txantxetan esan ohi dugu urtearen hasiera Melvin Franken estiloko "A touch of Class" batekin markatu gaituela, nahiz eta, egia esan, bi lorpenek CodeSyntaxen etengabe hobetzeko dugun konpromisoa baliozkotzeaz gain, gure taldearen dedikazioa eta, batez ere, irtenbide berritzaile eta eraginkorrak dituzten arazoei erantzuteko, ebazteko eta aurrea hartzeko duten eraginkortasuna ere azpimarratzen dute.

Baina, gure bizitza benetan aldatu duena gure 2023 urte honetan  beste mugarri garrantzitsu bat izan da: PloneConf 2023 nazioarteko konferentzia teknologikoaren antolaketak!  Gutxi gorabehera lasai-lasai bizi ginen, gure bezeroekin batera diseinatzen genituen software-soluzioak garatuz, baina gerora konpentsatu gaituen esfortzu handia eskatu duen abentura batean sartu ginen, baina egia esan eskertzekoa den lankidetza eta laguntza handia izan dugu.

Bai, ekitaldi hone antolakuntzak erdi erotu gaitu, baina ia primeran atera dela esango nuke, eta ez bakarrik gure sektorean, CMS edo Interneteko eduki sistema kudeaketzaileen eremuan lider gisa nabarmentzeko aukera eman digulako, baizik eta Amerikako Estatu Batuetako, Kataluniako, Alemaniako, Italiako, Ingalaterrako, Japoniako, Errumaniako, Herbehereetako, Belgikako, Mexikoko, Brasilgo, Hegoafrikako... beste aditu batzuengandik ere ikasi ahal izan dugukako CMSen edo software libreko edukiak kudeatzeko sistemen arloan. PloneConf gure trebetasun eta produktuentzako erakusleihoa izateaz gain, bertan berrikuntza eta lankidetza irekia sortu ziren plazagunea ere izan zen. Adibidez, hemendik PloneConf-eko esprintetara sar zaitezke Markeskua Jauregian,

Gainera, hainbat bezero garrantzitsuentzako proiektu nabarmenak amaitu ditugu. Proiektu hauek ez soilik erronka teknikoetik gertukoak izan dira, baizik eta estrategia ikuspegi bat eta gure bezeroen beharrak sakon ulertzeko gaitasuna eskatu dute, adibidez, CLMS - Copernicus Land Monitoring Service informazio-sistema eta webgunea Europar Ingurumen Agentzientzako (EEA) edo Donostia International Physics Centererako. Proiektu hauek ongi bukatzeak, esperientziak gainditzen dituzten erronkak eskaintzeko diseinatutako soluzioak eskaintzeko dugun gaitasuna erakusten du.