The Economist eta beste batzuk Tagzania aipatzen
The Economist aldizkariko artikuluan, software sozialeko hiru zerbitzu aipatzen dira adibide moduan:
- Flickr.com ( Flickr.com ), argazkiak erakutsi, gorde eta trukatzeko sistema ezaguna, argazkiak erabiltzaileak aukeratutako tag edo etiketen bidez identifikatzeko aukera ematen duena,
- del.icio.us (del.icio.us ), aurrerago ere aipatu izan dena Social Bookmarking - Interneteko loturak konpartitzen eta
- Tagzania (Tagzania.com ), CodeSyntax-ek ateratako social geomarking-erako zerbitzu berria, jatetxe, taberna edo bestelako leku interesgarriak markatzeko balio duena, eta La Stampa egunkariak dioen moduan, Google Maps-en bitartez aurkitutako antzinako erromatarren landetxe bat markatzeko erabili izan dena.
Gainera The Economist-ek beste pare bat zerbitzu aipatzen ditu: : myweb 2,0 del.icio.us-en estiloko zerbitzua, Yahoo-k uztailean kaleratu zuena, eta Technorati , adibidez blogak jarraitzeko balio duena eta aspaldidanik tag edo etiketak erabiltzen dituena.
Guztiak erabiltzen dute tag-ak. Tag edo etiketa identifikatzaile bat, izena edo tokia izan daiteke, adjektiboa edo aditza, zehatza edo abstraktua, ez du axola. Erabiltzaileak aukeratzen du erabiliko duen tag-a edo etiketa. Informazioa etiketatzeko eta sailkatzeko modu honi folksonomia esaten zaio.
Software soziala, blogging-a eta bilaketak bat egite hau etorkizuneko joera da, The Economist-eko Websites of mass description artikuluan azpimarratzen den legez, social searching-aren ideia (eta etiketak jartzearena edo social tagging) indarra hartu eta finkatzen ari da.
Tagzania: bestelako erreferentziak
Orohar, adituen ustez Google Maps eta honen API-aren gainean egindako garapenak 2005 urtean Interneteko berrikuntza handienetarikoak dira. MIT-eko Technology Review MIT (Massachussetts Institute of Technology) aldizkariak aipatzen duen bezala.
Adibideak asko dira baina askok , eta batzuk garrantzitsuak, aipatzen dute Tagzania.
Lifehack, Interneteko albistegi batek, Tagzania Google Maps gainean egindako 10 aplikazio onenen artean sartzen du.
O'Reilly-ren radar edo Tagzania azpimarratzen du: behategiak delicious-for-maps izenarekin eta Tagzaniak batzen dituen bi kontzeptu aipatzen ditu: tag bidezko sailkapen sistema eta mapen erabilera.
Folksonomia kontzeptuaren inguruko eztabaidetan Tagzania azpimarratu dute. Software Sozialean aditua den Clay Shirky-k (social software terminoaren sortzaile bezala ageri da) elkarrizketa honetan tagzania aipatzen du, honako erantzun honetan:
Maps.
There are so many cool tag this location efforts going on it's hard to keep track of them Platial, FoundCity, Tagzania, and so on (...)
A year from now there will be an astonishing amount of value being created by tagging maps. Two years from now we'll all be shaking our heads wondering how we could have lived without that function. Three years from now, we won't remember a time when you couldn't tag maps. eta hiru adibide ematen ditu, beraiek sortzekotan dabiltzan Platial, eta Tagzania tartean.
Software sozial gaiaren inguruko blogetan
Tagzania atariaren sorrerak Social Software delakoan espezializatuak diren blogetan ohiartzuna izan du:
Smart Mobs-en : Howard Rheingold guruak Tagzaniak Hezkuntzan izan dezakeen erabilera posibleak aztertzen zituen.
eta The Social Software Weblog blogean pozik agertzen ziren Tagzaniaren sorrerarekin: azkenean tresna kolaboratiboa mapak, tokiak, ... dokumentatzeko.
